Nallur Thondarkal 2020

நல்லூர் தேவஸ்தானத்துடன் இணைந்து பணியாற்றும் திருத்தொண்டர்கள்

நல்லூர் பெருமானை தம் தோளில் சுமப்பதற்காக வாகனங்களின் அருகில் காத்திருக்கும் செவ்வாடை தொண்டர்களை நாம் பார்த்திருக்கிறோம்.

எந்த வித இலாப நோக்கமும் இன்றி, முற்று முழுதாக முருகன் பணியாக இவர்கள் செயற்படுகிறார்கள்.

உயர்ந்த வருமானம் பெறும் பலர், பல முக்கிய பணிகளில் உள்ள பலர், தம் வாழ்வின் பாக்கியமாக இத்தொண்டைச் செய்து வருகிறார்கள்.

அதிலும் பெருவிழாக் காலத்தில் விரத நியமங்களுடன் ஆசார சீலர்களாக இவர்கள் செயற்படுவது கவனத்திற்குரியதாகும்.

பெரும்பான்மை இளைஞர்களை கொண்ட இந்த நல்லூரானின் திருப்படையழகை காண்பதே நம் பாக்கியம்.

இதனை விட, நல்லூர் தேவஸ்தான நியமங்கள் பல உண்டு. மிக கண்ணியமாக, நேரம் தவறாது செயற்பட வேண்டும் என்பது அதில் முக்கியமானது.

அதனை இத்தொண்டர்கள் மிகச் சீராக செய்து வருவதை பார்க்கலாம். தவிரவும் தேவஸ்தான பணியாளர்களுடன் இணைந்தும், அவர்களுக்கு உறு துணையாகவும் செயற்படுவதையும் காணலாம்.